[i5oo]
DE LA VILLE DE PARIS.
15
neur pour le Roy en la ville de Paris, et de maistres Martin de Bellefaye et Acasse d'Albiac, conseillers du Roy en sa Court de Parlement et commissaires en ceste partie, sc sont transportez es hostelz assis es deux boutz du pont Nostre Dame, pour iceulx veoir, visiter et priser; ce qu'ilz ont fait et de ce baillé leur rapport dont la teneur s'ensuit :
«L'an mil quatre cens quatre vingtz dix neuf, le jeudi trentiesme jour de Janvier, de l'ordonnance et commandement de monsr mess" Guillaume de Poic­tiers, chevalier, sr do Clerieulx, et gouverneur pour le Roy nostre sire en la ville de Paris, et mess" mais­tres Marlin de Bellefaye et Acasse d'Albiac, commis­saires en cesle partie, nous, Laurens de Bussy, Jehan Chevrin et Jaques cie Versongnes, maçons; Jehan Marchant l'aisné, Jehan Philippes et Nicollas Aubourg, charpentiers; tous jurez du Roy, nostred. sr, en ceste ville de Paris, es ouvraiges de charpenterye et mas­sonnerye, sommes transportez es hostelz, lieux et domiciliés cy après declairez, pour les veoir, visiter hault et bas, toiser, priser, et aprecier à pris et sommes d'argent; el lesquelz lieux, après que les avons veuz et visitez, les avons prisez etextimez aux sommes et en la maniere qui s'ensuit.
"Et premierement en une maison assise en ceste ville de Paris, au lieu où soulloit aboutir le pont Nostre Dame devers la Tennerye, laquelle maison appartient à maistre Bobert Goulas et contient en parfond dix neuf piez deux poulces, en largeur sur rue unze piez, en ce non comprins la jambe et es-poisse du mur moittien; en laquelle maison a Ou­vrouer, bouge derriere, deux chambres l'une sur l'autre et ung petit grenier ; et au regard du dessoubz de lad. maison, il n'est; point clos et appartient à la Ville; et estoit lad. maison assise sur les pieulx dud. pont. L'ediffice de laquelle maison nous avons prisé et ex time depuis le rez de chaussée en amont, à la somme de cent livres tournois ; et au regard du des­soubz, depuis le rez de chaussée en embas, n'en est faicte aucune prisée, pour ce qu'il appartient à lad. Ville. Et en tant que touche la proprieté d'icelle mai­son, nous l'avons prisée et prisons à la somme de troys cens livres tournois pour une foys et pour toutes choses;
" Item, en une autre maison aussi appartenant aud.
Goulas, joignant de la maison dessus declairee, con­tenant seize piedz troys quars en parfond à prendre du dedans au dehors, et de largeur sur rue, qua­torze piedz troys quars. Et a en lad. maison ung cel­lier, Ouvrouer, chambre quarrée, et ung grenier des­sus.
tt Item, en une autre maison aussi appartenant aud. Goulas, contenant dix sept piedz en parfond dedans euvre, à prendre du dedans au dehors, et de large sur rue douze piez et demy; et a en lad. maison ung cellier, Ouvrouer, une chambre quarrée, dessus ung grenier, et une allée pour aller à la riviere. Desquelles deux maisons nous avons prisé et extimé le dessoubz depuis le rez de chaussée en embas, à la somme de deux cens livres tournois, et l'ediffice d'icelles, de­puis le rez de chaussée en amont, de deux cens livres tournois; et oultre avons prisé et extimé la to­talité desd, deux maisons à la somme de huit cens livres tournois pour une foys et pour toutes choses C.
"Item, en une autre maison appartenant a Robert Des Prez, contenant treize toises quatre piez de long sur dix sept piez de large à prendre les espoisses des murs; de laquelle maison sur le derrière aboutissant sur la riviere, fault prendre quatre toises ct demye en parfond, sur deux toises de large, à prendre depuis le mur de la maison dud. Goulas; et contient la por-cion de derriere, laquelle il fault prendre, ung es-chaudouer, deux chambres quarrées dessus et ung grenier, le tout fort viel et caducque; et est lad. mai­son chargée de vingt huit livres parisis de rente envers le S' Esperit, racheptables jusques à huit livres parisis. De laquelle porcion de maison nous avons prisé et extimé l'ediffice, depuis le rez de chaus­sée en amont, à la somme dc deux cens cinquante livres tournois; et depuis le rez de chaussée en em­bas, à la somme de deux cens cinquante livres tour­nois. Et oultre avons prisé et extimé la proprieté d'icelle porcion la somme de six cens livres tournois pour une foys, à la charge d'un tiers de huit livres parisis de rente non racheptable(2).
"Item, en une autre maison appartenant aux mar­guelliers de la fabricque Saint Gervaiz en proprieté, et en viaige à Jehan Des Champs, laquelle contient en parfond douze piez troys quars de costé de la ri­viere, et de l'autre costé douze piez et demy, du de-
'1' Les siaisoxs de maistre Robert Goulas. — Ces 1rois maisons dud. Goulas ont esté achellées el payées depar la Ville, ainsi qu'il peult amplement apparoir par la despence du compte du pont pour l'année fmye mil v'xi. (Nole en marge du Registre.)
(2) La maison Robert Dis Prez. — Ceste porcion de maison a esté acheptée de par la Ville selon sa prisée, et est demeurée chargée d'un liers de huit livres parisis d: rente envers le S' Esperit, et de in deniers parisis de rente en la censive dont ce meust. (Note en marge du Registre. )